ZAZAKÎ NEWS - Tirkîya de hûmara kesanê ke tena ciwîyenê, serra vîyarteyî gore 201 hezar û 781 kes zêde bîy û bîy 5 mîlyon û 523 hezar û 321 kes.
No mojneno ke hûmara kesanê ke tena ciwîyenê, 10 serranê peyênan de %66,5 zêde bîye.
Goreyê Sazîya Îstatîstîkan a Tirkîya (TUİK), hûmara ‘şarê keyeyî’ ke eynî adrese de ciwîyenê, heta serra vîyarteyî bîye 26 mîlyon û 977 hezar û 795.
Hûmare her serre zêde bena
Tirkîya de hûmara keyeyanê yewkesîyan, yanî kesê ke tena ciwîyenê, her ke şino berz bena. Hûmara kesanê ke tena ciwîyenê goreyê serran wina ya:
2016: 3 mîlyon 316 hezar 894
2017: 3 mîlyon 491 hezar 148
2018: 3 mîlyon 370 hezar 505
2019: 4 mîlyon 62 hezar 576
2020: 4 mîlyon 404 hezar 997
2021: 4 mîlyon 781 hezar 600
2022: 5 mîlyon 67 hezar 331
2023: 5 mîlyon 192 hezar 825
2024: 5 mîlyon 321 hezar 540
2025: 5 mîlyon 523 hezar û 321
Nême ra zêdeyêr bajaranê girdan de yê
Kesê ke tena ciwîyenê, hîna zaf bajaran girdan de manenê. Hûmara keyeyanê yewkesîyan ê 10 bajarê pîlî de, 2 mîlyon û 768 hezar û 625 a. No, nêmeyê hûmara pêroyî yê kesanê ke tena ciwîyenê ra zêdeyêr o.
Hûmara ke tena ciwîyenê ya hîrê bajaranê pîlan wina ya:
Stenbol: 981 hezar 614
Anqara: 400 hezar 484
Îzmîr: 375 hezar 380