Amedsporî hewteyo verên Dîyarbekir de Trabzonspor kerd meyman û maç 2-1 qezenc kerd. Maçî ra pey, otobusa terefdaranê Trabzonsporî de şexsêk kurdî kerdî hedef û bi çekuyê nijdperestî va: “Kurdê tewr weş o ke merde yo û kewto qebr o. Yew ca de kom benê û bi kurdkî qisey kenê, ganî merdim nêverdo qisey bikerê. Merdim înan rê rehm nêkero, bido pîro.”
Vîdyoyê nê qiseyan medyaya dîjîtal ser o raştê reaksîyonêko zaf pîl ame. Komeleya Huqûqnasan a Amedsporî derheqê nê şexsî de îxbarname da dozgerîye û o kes ame dest bendkerdene.