Îdîa beno ke Xarpêt de merdimêk bi nameyê M.K.yî cinîya xo "sey vergî dîya" fîşegî varnayî cinîya xo ser û a kişte. Hasret K.ya 51 serre dadîya 3 tutan bîye.
Hedîse şan dewa Meşelîye ya Xarpêtî de qewimîya. Goreyê îdîayan, M.K.yî seba ke verg nêkewo axur nobet de bi. M.K.yî mîyanê tarîtîye de tayê vengî eşnawitî û têgêrayîşêk dî. Ey bi tifing hetê ê vengî ser ro fîşegî eştî.
M.K.yî gama dî ke a kesa ke fîşegî panayî cinîya ey Hasret K. ya, xeber da ekîbanê weşîye û cendirmeyan. Ekîbê ke şîyî dewe, vîna ke Hasret K. merda. Cenazaya aye seba otopsîye amey berdene.
Sersavcîtîya Komarî ya Xarpêtî hedîse ser o tehqîqat da dest pêkerdiş. M.K. hetê cendirmeyan ra ame tepiştiş û dima ra sewqê dadgehe bi. M.K. ubi şertê kontrolê edlî serbest ame verdayîş. Tehqîqatê hedîse dewam keno.