Komela Heqanê Merdiman (IHD) verkarê qanûnî yê "Qanûnê Xurtkerdişê Paştdayîşê Mîlî û Pêameyîşê Komelkî’’ seba çareserîya meseleya kurdan sey gamêka muhîme erjna û vat la no verkar goreyê ruhê prosesî nîyo û waşt seba xurtkerdişê demokratîkîbîyayîşî wa bedilnayîşê hewt madeyan bêro kerdene.
ÎHDyî waşt ke seba tespîtê MGKyî wa tewr zaf wextê aşmêke bêro dayene, wa cîyarkerdişê tipê sûcî û tarîxê ci bêro wedaritene û îfadeyê lelî yê derheqê sûcê ‘’carakiştişî’’ bêrê zelalkerdene.
Komele reyna waşt qedexeyê sîyasetî û kêmîya heqî ke seba kesanê ke çarçewaya qanûnî de yê yena vervînayene, wa bêro wedaritene û pêşnîyaz kerd ke komîsyono ke do meclîs de bêro ronayene wa komelo sîvîl û pîsporê çareserîya pêkewtişan zî tewrê ci bibê.
ÎHDyî îfade kerd ke kesê ke teberê welatî de yê û zîndan de yê wa bêşertê muracatî xebatê înan bêrê rayraberdene û Akademisyenê Haştîye û kesê ke bi KHKyan ameyî îxraçkerdene wa zê çarçewaya qanûnî de bêrê cakerdene.
