ZAZAKÎ NEWS - Xarpêt, qezaya Dep de Yaşar Temuro 47 serre ke nêweşê dîyalîzî bi û demêk bi ke xeber ci ra nêameyêne girewtene, keyeyê xo de merde ame vînayene.
Hedîse, Mehleya Golpinarî ya qezaya Dep de ame meydan. Goreyê malumatanê ke ameyê girewtene, cîrananê Yaşar Temur o 47 serreyî ke tena ciwîyayêne û nêweşê dîyalîzî bi, wexto ke demêk xeber ci ra nêgirewte, xebere da Merkezê Vengdayîşê Lezgînî yê 112î.
Nê ser o cayê hedîseyî rê ekîbê weşîye, îtfaîye û polîsan ameyî şawitene.
Ekîbê îtfaîye cam ra kewtî zere û ber akerd, ekîbanê weşîye zî tesbît kerd ke merde yo.
Dima ke cigêrayîş ame kerdene, cenazeya Temurî seba ke otopsî bêro kerdene wedarîya morg.