Amazon, şîrketo tewr pîl o rotişê online yê Amerîka, qerar da ke pêroyê dinya de 14 hezar karkeran kar ra bivejo.
No qerar, parçeyêkê hewldananê şîrketî yo seba newe-ra-organîzekerdişê karanê xo û hişê viraştî yo, la eşkera nêkerdo ke kemnayîşê karkeran do kamcîn welatan de bibo.
Amazonî, eşkerayîya ke rîpelê xo yê înternetî ya resmî ser o weşana de, îfade kerd ke kemnayîşê hûmara karkeran parçeyêkê hewldananê 'bêvindertişî' yo seba hîna qewetînbîyayîş û averşîyayîş, kemnayîşê 'bîrokrasîye' û newe-ra-vilakerdişê çimeyan o.
Hetkara Serekê Şîrketê Amazonî Beth Galettî va:
"Herçiqas ke na game bi seba kemnayîşê karkeranê tayê beşan û girewtişê karkeranê tayê beşanê bînan gêno xo mîyan zî, do nêzdîyê 14 hezar karkerî kemî bibê."
Beth Galettî bale ante serê muhîmîya hişê sviraştî yê karê şîrketî û ey sey "teknolojîyêko vurnayox" name kerd."
Medyaya Amerîka da zanayîş ke Amazon plan keno ke aşmanê ameyoxan de nêzdîyê 30 hezar karkeran dinya de kemî bikero û zafanê înan do beşanê sey çimeyanê merdiman, reklam û îdarekerdişî de bibê.
Şîrketê Amazonî de 1,5 mîlyonî ra zêdeyêr karkerî estê û na hûmare ra 350 hezar kesî ofîsan de xebitîyenê.
