Qezaya Dîyarbekirî Sûr de ewro serê sibayî adir kewt otêla boranan û netîceyê ci de seyan boranî murdar bîyî.
Goreyo ke ame zanayîş, Kuçeyê Sutcu yê Taxa Nebi ya qezaya Sûrî de, rîyê sebebo ke nêame zanayîş ra adir kewt otêla boranan.
Wexto ke pêhesîya şewat vejîyayo, ekîbê adir hewnakerdişî amê verê otêle û demêk badê adir ame hewnakerdiş.
Rîyê şewatî ra seyan boranî vêşay û rîyê bêhewayîye ra murdar bîy.
Derheqê şewatî de zî tehqîqat dîya dest pêkerdiş.
