Rejîmê Îranî cezaya îdamî da pawitoxa heqanê cinîyan û rojnamegera kurde Pexşane Ezîzî .
Pexşane vizêr vejîya vera mehkema. Heyetê mehkeme bi îdîaya 'vera hukmatê Îslamî serewedaritiş û endamîya komanê çekdaran' cezaya îdamî da aye.
Pexşane 4ê tebaxa 2023yî de Tehran de ameybî girewtiş û 11ê kanûne de zî erşawîyabî Hepisxaneyê Evîne.
Pexşane verê cû zî seba ke tewrê çalakîyanê protestoyî yê wendekaranê kurdan bibî 2009 de tepişîyabî û çar aşman ra dima bi kefalet veradîyabî.
Pexşane wexto ke Hepisxaneyê Evîne de tepişîyayêne bi mektubêke qalê îşkenceyan kerdbî û venga rayaumûmîye dabî.
