Mîyanê qezaya Surî ya Amedî de, dima ke dikanê Serekê Odaya Zerdgeran û Sarrafan Özer Sanalî rastê hêrişêko bi çekan ame; esnafê zerdgeran, seba ke vera tehdît, hêrişê bi çekan û şîdetî vengê xo vejî dikanê xo seba yew roje gîrewt.
DİKOyî qerar gîrewt, esnafan zî ard ca
Beyanato ke hetê Odaya Zerdgeran û Sarrafanê Amedî (DİKO) ra ame kerdene de, ame vatiş ke ganî asayîşê can û malî yê esnafan bêro girewtene.
Mîyanê bajarî de esnafan dikanî neakerdî
Goreyê qerarê heyetê rayberdişî yê oda, çar sey û vîst û panc (425) zerdgerê ke mîyanê bajarî de gureyenî, ewro dikanê xo anêkerdî.