ZAZAKÎ NEWS - Qezaya Amedî Yenîşehîr de reyna cînayetêkê cinîyan qewimîya û cinîyêka cîwane weşîya xo vîndî kerde.
Hedîse, şanê 20ê Adare de Mehleya Uçkuyuyî ya qezaya Yenîşehîrî de yew keye de qewimîya. Goreyê malumatan, mabênê Cafer B. û Aleyna Yaraya 22 serre de bi sebebêko ke hema nêno zanayene munaqeşe vejîya. Wexto ke munaqeşe giran bi, Cafer B.yî demançaya xo ante û gule na sereyê Yaraye ro.
Cafer B.yo ke Aleyna Yaraye kişte, dima hedîseyî geyra Merkezê Vengdayîşê Lezgînî yê 112î û rewşe îxbar kerde. Nê îxbarî ser o ekîbê weşîye û polîsan şawîyay cayê cînayetî.
Kontrolê ke hetê ekîbanê weşîye ra ameyî kerdene de, ame tesbîtkerdene ke Aleyna Yaraye cayê hedîseyî de merda. Cenazeya Yaraye, seba kerdîşê muameleyanê otopsîyî wedarîya morg.