Goreyo ke ame zanayîş, bînayanê AFETî yê Taxa Bağlarî de, H.Ç. û mêrdê aye L.Ç. ra vîzêr ra nata xeber nêamebî girewtiş. Merdimanê înan naye ser o xeber da ekîbanê polîsan.
Bi xabardayîşî ra dima ekîbî amey herêma qewimyayîşî û înan dest bi geyrayîşî kerd. Na xebate de, H.Ç. ya 45 serre ke dadîya panc gedeyan bî, bodrumê bîna de merde amey vînayîş. Seba mergê cinîye tehqîqat dîya dest pêkerdiş, labelê mêrdê aye L.Ç. hema nêameyo vînayîş.
Herêma qewimyayîşî de tedbîrê asayîşî ameyî girewtiş û cigêrayîş dewam keno. Seba dîyayîşê mêrdê aye L.Ç. yo ke vîndîbîyaye yo, xebate dewam kena.
Sebebo aşkere ê mergê H.Ç. dima otopsîyo ke Nêweşxaneyê Dewlete yê Colemêrgî de bêro kerdene do aşkere bibo.
