ZAZAKÎ NEWS - Amed de ewro varanêko xidar yew hewe de dest pêkerd û qasê nîm saete dewam kerd.
Rîyê varan û firtoneyî ra çatîyê zaf awanîyan fir day. Zaf darî zî şikîyay.
Aşma Gulane de Amed de hema her roje demêk varan esto û qezayan de zî xijike (Torge) varena.
Ewro zî saete 2 de yew varano xidar dest pêkerd û demê varanî de firtone zî warişt.
Varan tesîrêko xirab cuya welatîyan ser o kerd.
Pawîyeno ke Amed de ewro zî do varan bibo û şar ame îqazkerdiş ke wa tedbîran bigîrê.