ZAZAKÎ NEWS - Şaristananê Dîlok û Erziromî de, di qezayanê cîyayan de 7 kesî merdî û 7 kesî zî birîndar bîy.
Rayîrê Erzirom û qezaya ey Tortimî ser o, otomobîla ke Muhammed Yîgît Keskînî ramitêne bi û otomobîla ke Cengîz A.yî ramitêne pêro day.
Netîceyê pirodayîşî de, şofêr Cengîz A. û Kadrîye B., Abdurrahman A. û Abdulkadir A.yê ke eynî otomobîel de bî, merdî.
Şofêrê otomobîla bîne Muhammed Yîgît Keskîn û Muhammed Anil, Gonca û Ada Selîn ê ke eynî otomobîe de bî, ê zî birîndar bîy.
Bi xeberdayîşî ser o, polîs û ekîbê weşîye ameyî cayê hediseyî.
Ekîbanê weşîye birîndarî berdi nêweşxaneyanê cîyayan ê Erziromî. Cenazeyê 4 kesan zî wedarîyay Sazîya Tibê Edlî ya Erziromî.
Dîlok de qeza: 3 merdeyî, 3 birîndarî
Şaristanê Dîlokî de zî di otomobîlan pêro da û netîce de 3 kesî merdî û 3 kesî zî birîndar bîy.
Bi xeberdayîşî ser o, polîs û ekîbê weşîye ameyî cayê hediseyî. Ekîbanê weşîye her hîrê birîndarî berdi nêweşxaneyanê cîyayan ê Dîlokî.
Derheqê hedîseyan de tehqîqat ame destpêkerdene.
