ZAZAKÎ NEWS - Nuştox Mehmet Sertî kitabê xo yo dîyin bi nameyê "Hedîseyî Verênî û Vateyê Verênan" neşir kerd. Kitabo ke hetê Weşanxaneyê Ronya ra ame neşirkerdiş, hedîseyan û vateyanê verênan ê herêma Pîranî ra yeno pê.
Kitab, seba wendoxanê Zazakî ameyo hazirkerdiş û nika resayo destê wendoxan.
Goreyê agahîya ke kitabî de ca gena, hedîseyê ke herêma Pîranî ya Dîyarbekirî de qewimîyayê û vateyê kalûpîranê ma yê kitab de ca gênê. Mehmet Sertî bi xo zî vano, "Çiyê ke ma nê kitabî de nuştî, ne asmênî ra ameyî war ne zî yewna kinarê dina de qewimîyayî. Pêro wareyê Pîranî de pîlan û bawkalanê ma ser o qewimîyayî."
Nuştoxî eşkerayîya xo de vato ke kitab "bi ked û cefa" seba wendoxanê ercîyayeyan ameyo amadekerdiş. Eşkerayîye de sloganê "Wendiş zanayîş o, zanayîş bîyayîş o" ame vîrvistiş.
