Nuştoxe Ayten Öztürka ke Îstanbul de nişena ro, semedê Roşanê Qurbanî şî zîyaretê dadîya xo. Goreyê îdîayan; Ayten Öztürka ke vizêr bi dadî û xala xo dir baxçeyê keyeyî de roniştebîyê û warzayê aye B.S.yo ke keye de, ey dir rîyê meseleya mîrasî ra munaqeşe kerd.
O mabên de B.S.yî kardî da Öztürke ro û rema. Öztürke gina waro. Sero ke îxbar ame kerdene ekîbê weşîye û yê cendirmeyan ameyî erşawitene. Mudaxaleyo verên yê Öztürke cayê hedîseye de ame kerdiş û a badê wedarîya Nêweşxaneyê Dewlete yê Vîzeyî; labelê pa hemê mudehaleyanê doktoran weşîya xo kerd vîndî.
