ZAZAKÎ NEWS — Qeza, rayîrê Xarpêt-Çewlîgî ser de amey meydan. Goreyê agahîyan, wesayîto bi plakaya 43 ACC 141 yo ke binê kontrolê Mustafa Şenî de bi, şofêrê ci kontrolê dîreksîyonî vîndî kerd. Wesayît rayîr ra vejîya û qeldîya. Qeza de şofêr Mustafa Şen merd, 3 kesê ke mîyanê wesayîtî de bîy zî birîndar bîyî.
Dîma ke xeber amey wesnayîş, ekîbê cenderme, weşîye û îtfaiye ameyî cayê qeza. Ekîban birîndarî mîyanê wesayîtî xelisnayî.
Birîndaran rê midahaleyo verên uca de ame kerdiş û dima bi ambulansan wedarîyayî nêweşxananê sûke. Cenzeyê Mustafa Şenî zî seba otopsî wedarîya morgo Nêweşxanê Zanîngehê Firatî.
Ekîbanê cenderme derheqê hadîseyî de qeza de cigêrayîş kerd.
