Şaristanê Amedî de her roşan de derdorê 160 ton şîranî yena werdiş.
Tewr zêde zî qadayifê Dîyarbekirî yena werdiş.
Mîyanê 3 rojanê roşanî de tewr tay 100 ton qadayif ameya rotiş.
Amed de 340 kargehê şîranî estê.
Çend rojîyo ke nê kargehî xo semedê roşanî hadre kenî û roşan hetêk ra semedê înan karêko zaf weş o.
Kargehanê Amedî de 40 tewirê şîranî yenê viraştene, yo tewr namedar zî qadayif a.
Çend serrîyo ke tewirê peqlewaya serde zî nê şîranîyan rê zêde bîyo.
Westeyê qedeyîfe yo Çewlîgij Sedat Elhakan va:
"Ma nika hîrê vardîya xebitîyenê. Kargeha ma de her vardîyayêk de 6 kesî tenya beşa qadayifî de xebitîyenê.
Ma hema hema roje de 2 ton û nêm û 3 ton qadayif virazenê.
Înşallah ma muşterîyanê xo kêfweş kenê. Seba ke weş virazîyo, çi destê ma ra yeno ma kenê."
Humara nifusê Amedî resaya derdorê 2 milyonî.
4 rojê roşanî de rojane tewr tay 40 ton şîranî yena werdiş.
Roşanê parî de 160 ton şîranî ameya rotiş û 100 tonê ci qedeyîf bî.
Roşan de Dîyarbekirî ra 20-30 ton şîranî zî erşawîyena tebere bajarî.
Qedeyîfe yê Dîyarbekirî ya yê Çolîgî
Qedeyîfe Dîyabekir de bi destê westeyanê Çolîgî ra yena viraştiş. Û bi nameyê Dîyarbekirî ameya tescîlkerdiş. Yanî êdî marqaya Dîyarbekirî ya.
La Çolîg de zî viraştişê qedeyîfe esto û Çolîgijî vanê, qedeyîfe eyîdê Çewlîgî ya.
