ZAZAKÎ NEWS - Mezraya Beybagî ya Çêrmûge de 4 kesî seba pakkerdişî kewtî bîrêkê awe û seba ke demêko derg nêvejîyayî, merdimanê înan xebere da ekîbanê xelisnayîşî.

Bi xeberdayîş ser o, cendirme, taxîmê AFADî û ekîbê weşîye şîyî cayê hedîseyî.

Taxîmê ke bi nêrdîwan û kindir kewtî binê bîrî, dî ke her 4 kesî zî binê bîrî de merdê.

Cigêrayîşê verênî de ame tesbîtkerdene ke Mehmet Karabag (33), Mehmet Emîn Karabag (35), Hanîfî Yeşîlyaprak (38) û Kemal Karabag 17 serre, seba gazê karbondîoksîtî yê ke jeneratorê seba vengkerdişê awe ra vejîyayo, jehrî kewtê.