ZAZAKÎ NEWS – Rayîrwanîya Dario Scaiolî ya ke Ewropa ra dest pêkerde; ey dima welatê sey Xirvatistan, Bosna-Hersek, Sirbîstan, Qeredax, Albanya, Makedonyaya Bakur, Kosova û Bulgaristan gêra û uca ra zî ame Tirkîya. Gêrqayoxo Îtalyanij gêrayîşê xo yê Tirkîya Îstanbul de dest pêkerd; dima ra Enqere, Aksaray, Edene, Dîlok, Riha, Mêrdîn, Amed, Bedlîs, Wan, Îdir û Qers zîyaret kerd û nika zî vîyart Gurcistan. Scaiolî yo ke wazeno tûrê xo Hindistan de biqedêno, mêmanperwerîya bajaranê Tirkîya ra zaf kêfweş bi.
"Ez bîya aşiqê Mêrdînî"
Dario Scaiolî da zanayîş ke ey Tirkîya de tewr zaf Mêrdîn ra hes kerdo û wina va: "Mêrdîn bi rastî zî zaf weş bi, ez cara bîya aşiqê Mêrdînî. Bajarêko zaf taybet o û mîmariya ci zaf hewl a. "
Armancê ey Hindistan o
Scaiolî derheqê rayîrwanîya xo de wina va: "Ma do 20 rojî Rayîrê Transkafkasya de şorê û badê şêrê Îranê. Uca ra zî ez do bîvîyarî Rûsya û Qazaxistan. Dıma ra Ozbekistan, Qirxizistan, Çîn û Pakistanî ra dima ez do bivîyarî Hindistan. Duraxê min o peynî uca yo."
