ZAZAKÎ NEWS - Komîsyono ke seba çareserkerdişê persa Kurdan Meclîs de ronîyayo, 19-20ê Tebaxe de do goşdarîya temsîlkaranê weqfan, sazîyanê cimatê sivîlî, Mayanê Şemeyî û Mayanê Aştîye bikero.
Komîsyonê "Hemkarîya Mîlî, Biratî û Demokrasî", 19 û 20ê Tebaxe de kombîyayîşê xo yê çarinî virazeno. Komîsyon, kombîyayîşan de do goşdarîya weqf û sazîyanê cimatê sivîlî û keyeyanê ke prosesê pêrodayîşî de merdimê xo vîndî kerdê, bikero. Kombîyayîşan de, Mayê Şemeyî, Mayê Aştîye û temsîlkarê sazîyanê cîyayan ê heqanê merdiman, do fikranê xo bîyarê ziwan.
Bernameyê kombîyayîşan
19ê Tebaxe - Roniştişo 1.
Wezîra Keye û Xizmetanê Sosyalan Mahinur Özdemir Göktaş do yew pêşkêşkarî bikero. Dima ra, komîsyon do goşdarîya Komela Gazîyanê Malulanê Herban a Tirkiya, Komela Cinî û Yetîmanê Şehîdan, Weqfa Gazî û Keyeyanê Şehîdan a Tirkiya, Weqfa Hemkarîya Merdimanê Şehîdan û Gazîyan a Tirkiya û Weqfa Malulanê Wezîfeyî û Keyeyanê Şehîdan ê Teşkîlatê Emnîyetî bikero.
19ê Tebaxe - Roniştişo 2.
Komîsyon do goşdarîya înanê ke bi rayberîya Wezîrê Karanê Zereyî yê ê wextî Suleyman Soyluyî verê Rêxistina Bajarî ya Amedî ya Partîya Demokratîke ya Şaran (HDP) de çalakîya roniştişî viraştbî, bikero.
20ê Tebaxe - Roniştişo 1.
Do goşdarîya Mayanê Şemeyî û Mayanê Aştîye bêro kerdene.
20ê Tebaxe - Roniştişo 2.
Do goşdarîya Weqfa Hetkarîya Merdimî û Heq û Azadîyanê Merdiman (İHH), Komela Heqanê Merdiman (İHD), Komela Hemkarîye seba Heqanê Merdiman û Mezluman (MAZLUMDER) û Weqfa Heqanê Merdiman a Tahîr Elçîyî bêro kerdene.
Kombîyayîşê ke do bi serekîya Serekê Meclîsî Numan Kurtulmuşî de virazîyê, do saete 14:00 de dest pêbikerê.
