Qezaya Dêrsimî Çemişgezek de, ekîbanê cendirmeyan operasyonêk viraşt û dest na 200 kîlogram sîrê koyan ser o û kesanê şikdaran rê 557 hezar lîra ceza birîya.
Hedîse, deşta Dewa Anile ya qezaya Çemişgezekî ya Dêrsimî de qewimîya. Goreyê agahîya ke ameye girewtene, bi îxbarê, Sîrê Koyan o ke binê pawitişî de yo, hetê kes yan zî kesanê ke nasnameyê înan belwî nîyo ra yeno arêkerdene û bi wesayîtî herême ra dûrî keweno, ekîbê cendirmeyan dest bi fealîyetî kerd.
Hetê ekîbanê Fermandarîya Cendirmeyan a Bajarê Dêrsimî ra herême de heme guzergahî ameyî girewtene û yew teqîbêko hîra û tatbîqatê kontrolê rayîrî ame kerdene. Netîceyê xebata ke ameye kerdene de wesayîto şikdar ame tepiştene, cigêrayîşê ke wesayîtî de ame kerdene de mîyanê 5 torbeyan de teqrîben 200 kîlogram Sîrê Koyan ame destsernayene. Keso ke wesayîtî de bi, ame tepiştene û derheqê ey de bi sûcê 'Zerardayîşê Dengeya Tebîî' 557 hezar lîra cezaya pereyî ya îdarî ameye nuştene.
