ZAZAKÎ NEWS - Çewlîgsporî û Barîkat Çewlîg pê govend û sloganan şîy amedspor vera. Amedspor siba Erzurumspor dir maç kay keno. Otobusa Amedsporî ke resa Çolîg terefdarê Amedsporî şîy înan vera û paştî day înan.
Amedspor resayo Çewlîg. Şarê Kanîreşî paştî dano ci û bi ameyîşê înan keyfweş o pic.twitter.com/3iSbHttjS1
— Zazakî News (@zazaki_news) January 17, 2026
Wextê rayîrwanîya ke bi rayîrê bejayî ameyêne kerdiş, qafileyê taximî Çewlîg de semedê werdî mola da.
Wextê mola de, terefdaranê Grûba Zazalar a Çewlîgsporî û Grûba Barîkat Çewlîg a Amedsporî, pê govendgirewtiş û tezahuratan heskerdişê xo îfade kerd.
Amedsporî zî seba eleqeyê ke ame mojnayene, sipasê terefdaranê Çewlîgij û Zazayan kerd.
Amedsporî va: Demê rayîrwanîya ma ya deplasmanê Erziromî de, taximê ma rê eleqeyo pîl estbi. Eleqe û paştîdayîşê terefdaranê ma yê ke merkezê Çewlîgî û Kanîreş de ameyî pêser, hêz û keyfweşî da taximê ma. Ma sipasê terefdaranê xo yê ke ameybî qafileyê ma vera û paştî day ma kenê.
