ZAZAKÎ NEWS - Hunermendê Dersimijî Mikaîl Aslanî hesabê xo yê medyaya komelkî ser o aşkere kerd ke tarîxê konserê ey ê Amedî ameyo bedelnayîş. Beanat de ame vatiş ke semedê têhetkewtişê wextê konserî û xebatanê Roşanê Ziwanê Kurdkî yê şaristanî, konser ameyo taloqkerdiş.
Tarîxo newe 1ê Hezîrane yo
Hunermend Aslanî beyanatê xo de wina va: “Konserê ma yê Amedî ke ma waştêne 15ê Gulane de (Çand Amed -Merkezê Kulturî yê Sezaî Karakoçî de) bide, bi waştişê dezgeh û sazîyan ame taloqkerdiş. Çunke eynî roje xebat û merasîmê Roşanê Ziwanê Kurdkî estbî û xebatî kewtî têhet. Konser seba roja 1ê Hezîrane ame taloqkerdiş. Bîlêtê ke ameyê erînayîş do derbaz bibê. Bi hêvîya ke ma roja 1ê Hezîrane de Sehna Tîyatroya Amfî ya Sümerparkî de yewbînî bivînê.”
Ame zanayîş ke konser do 1ê Hezîrane de Sümerpark de bêro dayîş.
