Heyetê Îmraliyî şi Îmrali: Ocalanî dir pêvînayîş kerd

ZAZAKÎ NEWS - Endamê Heyetê Îmraliyî yê Partîya DEMî Pervîne Buldan, Mîthat Sancar û Faîk Ozgur Erolî, seba ke bi rayberê PKKyî Abdullah Ocalanî reyde pêvînayîş bikerê, şîyî Girawa Îmraliyî.

Endamê Heyetê Îmraliyî Pervîne Buldan, Mîthat Sancar û Faîk Ozgur Erolî, bi rayberê PKKyî Abdullah Ocalanî reyde pêvînayîş kerd.

Goreyê eşkerayîya ke Partîya DEMî da de, nê îfadeyî ameyî vatene: "Endamê Heyetê Îmraliyî yê Partîya DEMî Pervîne Buldan, Mîthat Sancar û Faîk Ozgur Erol, seba ke bi Birêz Abdullah Ocalanî reyde pêvînayîş bikerê, Girawa Îmraliyî de yê."

Goreyê malumatanê ke ameyê girewtene, zîyaret de averşîyayîşê peyênî yê Sûrîye û proseso aştî ke Tirkîya de dewam keno, ameyê qiseykerdene.