Mehmet Ay
Eno hewte ez şima rê qalê xirabîya werdişî (Anoreksîya Nervoza) kena, wendoxê min ê erjîyeyî. Ena nêweşî sereya gedetey ra dest pêkena.
La wextê balixî de(reşîtbîyayîşî de) vêjîyena û heyatê ma de ca girewta. Bîlhesa wextê ma de hîna zedîyaya û zaf merdimî ena nêweşî ra gerrekar ê.
Çî sebeb ra ena nêweşî zêde bîya?
Tewr verê ma eşkenî vacî ke averşiyayîşê teknolojîyî. Bîlhesa telefon, televîzyon, înternet, medyaya civakî(sosyal) ûsî.
Ma nuşteya xo ya verên de vate ki însanê ma nêwaneno ey semed ra vano qay çi vîneno raşt o. Bîlhesa ciwanê ma medyaya civakî zaf şixulnenî. Televîzyon de yan zî medya de timûtim portreyê însanan virazenî. Insanê ma zî ewnîyênî înan ra û heyatê xo bedelnenî.
Vanî gere cenêk/cinî zeîf ba û rîyê aye de makyaj estbibo. Camêrd derg û barî bibo. Medya de enê tewir portreyan virazenî. Insanî zî ewnîyênî înan ra û leşa xo bedilnênî. Zaf heb ciwanê ma enê semedî ra werdişê xo xerepneno û ena nêweşîye ra gerrekar o.
Wexto ke însan wucudê xo ra razî nêbo xo ra hes nêkeno û timûtim werdê xo bedilneno, ey semed ra xirabîya werdîşî yena meydan. Demo nîzdî de namdare Nihal CANDAN zî ena nêweşîye ra vefat kerde.
Netice de ma eşkênî vaje ke ganî ma qiymeta ena heyatê xo bizane, ena heyate ra pey êdî ameyîşê dinya çin yo.
Paweyê Homayî bibêni.
