Dêrsim de demêko kilm şilîye vara. Bajaro roj hewa hewrin bi, tayê welatîyî seba şilîya ke nişka ra dest pêkerd, bêhazir mendî. Varişo ke badê hişyarîyanê Midurîya Herêma 13ine ya Meteorolojî dest pêkerd, demêko kilm ra dima vindert.
Eşkerayîya ke hetê Midurîya Herêma 13ine ya Meteorolojî ra ameye kerdene de, nê îfadeyî ca girewtî: "Pawîyeno ke seranserê herêma ma de hewa zaf hewrin, wext bi wext bi varayîşê şilîye bivîyaro; variş der û dorê Dêrsim, Çewlîg, Meletî (Arapgir, Arguvan, Hekimhan, Kuluncak, Darende, Akçadağ, Doğanşehir û Yeşilyurt) û Semsûr (Besni, Gölbaşı, Tut, Sincik, Tut) de û rojhelatê Xarpêtî de (Alacakaya, Arıcak, Palu, Qovancılar, Qerakoçan) bihêz bibo."
