Qezaya Çewlîgî Dara Hênî de mangaya ke sereyê aye çeperanê parkî yê asinênan de mend, hetê ekîbanê îtfaîye ra ameye xelisnayîş.
Hedîse, qezaya Dara Hênî de, Taxa Kulturî de, Cadeyê Çewlîgî ser o yew park de qewimîya. Manga ke sereyê aye çeperanê asinênan de mend, welatîyanê der û dorî xebere wesna îtfaîye.
Bi îxbarî ser o ekîbê îtfaîye ameyî cayê hedîseyî û bi hetkarîya makînaya hîdrolîkî demêko kilm de mudaxele kerd û manga bê ke zerar bidê ci, xelesnay.
Badê operasyonê xelisnayîşî yê ke bi serkewtişî ame temamkerdene, manga wayîrê aye rê ameye teslîmkerdene. Welatîyan, seba xebata înan a fedakare ekîbanê îtfaîye rê sipas kerd.
