Serekê Herêma Kurdîstanî Nêçîrvan Barzanî, zîyaretê xo yê fermî yê Anqara de Serekkomarê Tirkîya Recep Tayyîp Erdoganî reyde ame têhet.
Pêvînayîş Kullîyeya Serekkomarîye ya Anqara de ame viraştene.
Ame vatene ke pêvînayîş de, têkilîyê Tirkîya yê Iraq û Herêma Kurdîstanî reyde, rewşa pêroyî ya herême û babetê cîya-cîyayî ameyî qiseykerdene.
Pêvînayîş de Serekîya Herêma Kurdîstanî ra Şêwirmendê Payeberz ê Polîtîkaya Teberî Felah Mustafa, Serekê Dîwanê Serekîya Herêma Kurdîstanî Fewzî Harîrî û hetê Tirkîya ra zî Serekê Teşkîlatê Îstîxbaratî yê Mîlî Îbrahîm Kalin, Serekê Komunîkasyonî yê Serekkomarîye Burhanettîn Duran û Serekşêwirmendê Polîtîkaya Teberî û Asayîşî yê Serekkomarî Akîf Çagatay Kiliç ca girewtî.
Nêçîrvan Barzanî tewr peynî 11-13ê Nîsane de Forumê Dîplomasî yê Antalya yê 4ine de (ADF2025) Erdogan reyde pêvînayîş kerdbi.
