ZAZAKÎ NEWS- Programê pîrozkerdişanê (fîrazkerdişanê) Roşanê Newrozî yê emserî zelal bi. Fîrazkerdişanê ke do tewr tay 53 merkezan de bêrê viraştene de xeylê hunermendî do bivejîyê sehne. Newrozê Amedî yê 21ê Adare de zî Koma Agirê Jiyan û Alend Hazim do bivejîyê sehne.
Gelo Xarpêt, Dêrsim û Çewlîg de Newroz do çi wext bêro fîrazkerdene û kamcîn hunermendî do ca bigîrê?
17ê Adare
Dêrsim: Beser Şahîn û Siya Şevê
21ê Adare
Amed: Kemençe, Koma Agirê Jiyan û Alend Hazim
22ê Adare
Xarpêt (Merkez): Erdogan Emîr
Çewlîg: Ulaş Kelaşîn
Fînal Amed de yo
Amed ke her serre sey fîrazkerdişê fînalî yeno vînayene, Newroz do 21ê Adare de meydanê Parka Newrozî de bêro kerdene. Bernameyê Amedî de Kemençe, Koma Agirê Jiyan û Alend Hazim do bivejîyê sehne.
Fîrazkerdişê Newrozî yo ke bajar de her serre bi se hezaran kesî tewrê ci benê, pawîyêno (texmîn beno) ke emser zî bi tewrbîyayîşêkê pîl bêro viraştene.
Çarçeweyê bernameyî de 22ê Adare de Stenbol de Koma Amed û Suavî, Anqara de Diljen Ronî, Mêrsîn de Ruken Yilmaz, Wan de Koma Agirê Jiyan û Koma Rojhilat, Dîlok (Entab) de zî Mehmet Atlî do bivejîyê sehne
