Mehmet Ay
No hewte ez şima rê qalê astengdarîye vînayîşî bikera. Hewteyanê verînan de qasê 2 hewteyî verî ma qalê astengdarîye fîzîkî kerdbi. No hewte zî ma qalê vînayîşî bikerê.
Astengdarîye vînayîşî: Yew kes eke verçimikî, emelîyat yan zî pêrûna te dawîyan bigîro la qismek yan zî bin ra nêvîno no kes astengdarê vînayîşî yo.
Astengdarîya vînayîşî tena yew rehend nîya. Mîyanê xo de 2 ca ya.
Yewin: Kêm vînayîş
Kêm vînayîş yew kes perûna tedawîyanê xo beno la tuj nêvîneno yan zî rind nêvîneno pê verçimikan yan zî tewirêna rayiran ra her çî pîl kerdiş ra heyate xo îdema keno.
Dîyîn: Kor
Kor, semedî ayî ke bin ra nêvîneno yeno şûxulnayiş. No kes çîk nêvîneno yan zî sey şewq verî çiman ra vêreno.
Çi wext vecîyena;
Na neweşî wehtîk gede hema nêbîyaye, hema ha pîzeyê daykê xo de yan zî badê ser mezgî sînîran de yew zerar vecîyo ayî gede semedî ayî zerarî vînayîşê xo vînî keno. Qismek genetîkî dayî ra yan zî babî ra dekewena gede zî. Tansîyon, şeker usn...neweşîyan ra zî merdim çimanê xo vînî keno bitaybetî şeker wextî peyînan da epey kesî kerdî kor.
Heqî înan ê komelkî
En verî de gere nê astengdarî yew raporê weşîye(%40) bigerî. Dima zî merkezîye cigerayîşe rêberîye de raporê xo bivecî badê zî pê no rapor eşkeno bêpere hewte de heyan 3 saet merkezî rehabîlîtasyonan de tedawîye vînayîşî bigerî.
Weşîye de bimanî.
