Meclîsê Weşîya Karkeran û Asayîşê Karî (ÎSÎG), raporê xo yê aşma Êlule eşkera kerd. ÎSÎGî da zanayîş ke aşma Êlule de tewr tay 206 karkerî cînayetanê karî de merdê. Bi nê daneyan, hûmara karkeranê ke 9 aşmanê verênan ê serra 2025î de merdê, vejîyaye hezar û 566.
Goreyê aşman; Çele de tewr tay 180 karkerî, Sibate de tewr tay 124 karkerî, Adar de tewr tay 159 karkerî, Nîsan de tewr tay 156 karkerî, Gulane de tewr tay 178 karkerî, Hezîran de tewr tay 164 karkerî, Temmuze de tewr tay 207 karkerî, Tebaxe de tewr tay 192 karkerî û Êlule de zî tewr tay 206 karkerî cînayetanê karî de wefat kerdo.
Ame destnîşankerdene ke aşma Êlule de 9 tutê karkerî, 9 karkerê mihacirî, 14 karkerê cinîyî û 192 karkerê camêrdî merdê. Cînayetê karî yê aşma Êlule tewr zaf Stenbol de bîyê. Antalya de 10, Amed de zî 9 karkeran wefat kerdo. Karkeranê ke cînayetanê karî de merdê, înan ra 49 karkerê zîret/daristanan, 43 karkerê înşaet/rayîrî, 34 yê neqlîyatî, 18 yê tîcaret/perwerdeyî û 12 zî karkerê şaredarî/karanê pêroyî yê.
