Derheqê 19 kesê namdarî yê Tirkîya ke mîyanê înan de Hadîse, Mert Yazicioglu, Demet Evgar û Ozge Ozpîrînççî zî est ê, bi îdîaya antişê madeyanê hişberan qerarê destbendkerdişî ame dayîş.
Goreyê xebera Haber Globalî, cipersayîş hetê Buroya Cipersayîşan ê Sûcanê Qaçaxçîtî, Narkotîk û Ekonomî yê Serdozgerîya Komare ya Stenbolî ra yeno rayraberdiş.
Çarçeweya nê operasyonî de bi îdîaya gurênayîşê madeyanê hişberan yan zî hişyarkeran, operasyon ame kerdiş û mîyanê înan de xeylê kesê namdarî yê ke hetê raya umûmîye ra yenê naskerdiş zî est ê.
Çarçeweya operasyono ke hetê Fermandarîya Cendirmeyan a Bajarê Stenbolî ra ame kerdene de Dîlan Polat, Engîn Polat, Îrem Derîcî, Kubîlay Aka, Kaan Yildirim, Hadîse Açikgoz, Berrak Tuzunataç, Duygu Ozaslan Mutaf, Demet Evgar Babataş, Zeynep Merîç Aral Keskîn, Ozge Ozpîrînçcî, Mert Yazicioglu, Feyza Altun, Derîn Talu, Deren Talu, Zîynet Salî, Bîrce Akalay, Metîn Akdulger û Ceren Moray Orcan seba ke îfadeyê înan bêrê girewtene û nimûneyê gonî bêrê dayene, şawîyay Fermandarîya Cendirmeyan a Stenbolî.
