Kitebxaneyê "Mesture Erdelan" ke bi hetkarîya Şaredarîya Bajarê Girdî ya Amedî û Şaredarîya Rezanî bi sloganê "Her taxe rê kitebxaneyêk" Taxa Şêx Şamîlî de ame viraştiş, kewt xizmetê şarê taxe.
Merasîmê akerdişî rê Hemsereka Şaredarîya Bajarê Girdî ya Amedî Serra Bucak, Hemserekê Rezanî Leyla Ayaz û Siraç Çelik û zaf ciwanî tewrê ci bîy.
Serra Bucak merasîmê akerdişî de qisey kerd û da zanayîş ke ê do Şaredarîya Rezanî reyde xebatanê seba kitebxaneyanê neweyan bidê destpêkerdene.
Serra Bucak keyfweşîya xo ya seba eleqeyê ciwanan ard ziwan û va: "No nîşanê no yo ke ma karêko raşt kerdo. Roja ke ma ameyê weçînayîş ra nata, ma îfade kerd ke ma do warê perwerde û averşîyayîşê ciwanan de, taxanê xo de paşt bidê her tewir projeyanê qijan û mîyanênan. Ma sozê naye dabi. Belkî ewro kitebxane goreyê nifusê Rezanî zaf pîl nîyo, la bawerîya ma pîl a. Ma do Şaredarîya Rezanî reyde xebatanê xo yê seba kitebxaneyanê bînan bidê destpêkerdene. Wa kitebxaneyê ma bimbarek bo."