ZAZAKÎ NEWS- Birayê Dêrsimijî Metin Kemal Kahraman ê ke temsîlkaranê muhîman ê muzîkê Dêrsimî ra yew ê, kilama xo ya newîye "Mele" vila kerd.
Kilama "Mele" a ke eslê xo de eserêko anonîm ê herêma Pilemurîye yo, vizêr şan pêro platformanê muzîkî yê dîjîtalan se ra amey weşanayîş. Deyîrbazo Dêrsimij Musa Bakî zî bi vengê xo yo ercaye înan reyde duet kerd.
Birayê Kemal û Metîn Kahraman ê ke 40 serran ra zêdeyêr o seba muzîkê kirmanckî-Zazakî kede danê, xebatanê xo de kulturê fekkî yê Dêrsimî qeyd kenê.
Kemal Kahramanî derheqê na xebate de va "Nezdîyê 30 serrî yo ke ma xo sey wendekarê nê kulturî vînenê. No proses, seba ma eynî wext de rayîrwanîya cigêrayîş, famkerdiş û musayîşî ra yew o. Çîyê ke ma musayî zî, ma xebitîyayî ke bi vasîtaya albuman goşdaranê xo reyde pare bikerê."
Mele
Vore kerdo pira lemin lemin
Vorena giran giran
Rindekenîya to zor kerdo Mele Mele
Aqil veto sarê mi ra
Verê bonê pîyê to de
Melema mi sona şuye
Vane to ez caverdune Mele Mele
Çoka zonîyê mi şîkîye
Kewtîme ra raya Pilemûrîye
Raye ma ver nêvejîye
Mi va (bi)şerî dîyarê Melema xo lemin lemin
Vore vora rayî cerîye
