ZAZAKÎ NEWS– Nawitgeh, Dêra Ermenîyan a Surp Gîragosî de abîyo û tede 3 welatan ra berhemê xeylê hunermendan yenê ramjnayîş.
Raybera Nawitgehî Mîray Havîn Fîdanboyê va:
“Pêro pîya 7 hunermendî û 17 berhemî estê. Ma 2 rojî yo Amed de xebitîyenê û Amed de gêrenê. Berhemê ma kulturê Amedî, edetê Amedî û hadîseyanê ke qewimîyayê ramojnenê.”
Hemwelatijê ke şinê Nawitgehî, wazenê ke Nawitgehê hunerîyan dewam bikerê.
“Eke şima tîya rê wayîr bivejîyê...”
Keso bi nameyê Kemal Ulusoyî zî va:
“Bi hezaran serran, tarîxê nê cayî esto. Raşta ci, gerek pêro kesî zî nê bikerê. Eke şima tîya rê wayîr bivejîyê, şima do hem kulturê xo rê hem zî merdimîye rê wayîr bivejîyê.”
Nawitgehê Rêçê Mezopotamya do demanê verê ma de Enqere û Antalya de zî bêro akerdiş.