ZAZAKÎ NEWS – Hemşaredarê Beledîyaya Peyasî Cengîz Dûndarî, xebatanê ke seba nêweşanê Çolyakî yenê kerdene, sey firin û warê parkî û xebatanê newekerdişî yê Parka 75î zîyaret kerd û derheqê xebatan de malumat girewt. Dundarî îzah kerd ke, ê xizmetanê kilmdeman nêkenê, xîret kenê ke xizmetanê daîmîyan û feydeyîyan bikerê.
Cengîz Dûndarî, endamanê meclîsê beledîye, hetkarê hemşaredara beledîye û midurê daîreyan reyde, xebatanê firinê ke do seba nêweşanê Çolyakî berhemê bêglutenî tede bêrê viraştiş zîyaret kerdî û derheqê averşîyayîşanê xebatan de malumatî girewtî. Dundarî, dima kontrolkerdişê xebatan va: “Seba 2500 nêweşanê Çolyakî û pêro şarê ma, xebatê ke do firinê werdê weşan tede temîn bibo nêzdîyê qedîyayîşî de yo û demêko kilm de do bikewo xizmet.”
Dundarî qiseykerdişê xo de qalê xebatanê newekerdişê Parka 75î zî kerd “Ma xizmetanê kilmdeman dima nîyê, ma kenê ke xizmetanê daîmîyan bikerê.”
