ZAZAKÎ NEWS - Seranserê Amedî de vewre tesîrê xo rê dewam kena, ekîbê Serekîya Daîreya Viraştiş, Miqate û Tamîrê Rayîran, çarçewaya xebatanê ke hirê rojî dewam kerd, 10 ra zêdeyêr qezayan de teqrîben 300 kîlometre rayîrê taxanê dewan akerd.
Herêmê ke ca ra ca bi metreyan vewre tede bîye, ekîban xebatê akerdişê rayîran ra teber serûberkerdişê hîrakerdişê rayîran zî kerd.
Xebatê ke herêmanê koyin û çetinan de bi greyder, loder û wesayîtanê ritişê vewre ameyî ramitene, dem bi dem binê pûke de dewam kerd. Ekîbê ke herêman de talûkeya vewresî est a, bikontrol xebate kerde, blokê vewre ke kenaranê rayîran de kom bîyî, pak kerdî.
Şaredarîya Amedî ya Şaristanê Girdî, rayîrê taxanê dewan de do xebata têkoşînê vera vewre dewam bikera.
Kaynak: Bultenê Şaredarî
