ZAZAKÎ NEWS – Kulûba Amedsporî ke Liga Yewine ya TFFyî de kay keno, teberê hesabanê xo yê tirkî, do hînî bi ziwanê Kurdkî (Zazakî-Kurmanckî) zî hesabanê xo yê dîjîtalan de parekerdişan biko.
Eşkerayîya ke kulûbe ra ameya dayîş de nê îfadeyî ameyî bikarardiş:
“Semedo ke terefdarê ma û heskerdoxê bieşkê taximê ma bi ziwanê xo yê dayîke zî teqîb bikerê, bi nameyê ‘Amedspor Kurdî’ ma yew hesabo dîjîtal (Instagram û Twitter) akerdo.”
Parekerdişê Amedsporî yo verên bi Kurdkîya Kurmanckî bi. Labelê goreyo ke Zazakî Newsî malumat girewto, Amedspor do nika ra tepîya parekerdişanê xo hem Kurmanckî hem zî Zazakî biko.
