Amedspor, maçê xo yê diyinî de emşo Erzurumspor dir kay keno. Verê maçî, xebatê newekerişî ke stadyum de ameyêne kerdiş, temam bîy û kursîyê ke boyaxê înan kan bibî, ameyî newekerdiş. Temsîlkarê Amedî wazeno bi paştîdayîşê terefgîranê xo 3 puanan bigîro.
Hewteyê diyinî yê Lîga 1. ya TFFyî de, Amedspor, wextêko derg ra dima saha xo de vejîyeno vera terefgîranê xo. Amedspor wazeno ke na musabeqaya krîtîke de 3 puanan bigîro û hem destpêkêko bihêz seba lîgî bikero, hem zî keyfweşîya serkewtişî bido terefgîranê xo.
Kursîyê Kanî ameyî newekerdiş
Amedspor ke sezonê vîyarteyî de sebebê problemanê zemînê stadyumî ra zehmetî antbi, na sezon maçê xo yo diyinî saha xo de vera Erzurumspor de kay keno.
Verê maçî, stadyum de yew xebata pête amey kerdiş. Kursîyê ke boyaxê înan kan bibî, ameyî newekerdiş û seba terefgîran ameyî hazirkerdiş.