Hedîse, merkezê Xarpêtî de, Cadeyê Meletî ser o qewimîya. Goreyê agahîya ke ameye girewtene, taksîya tîcarî ya bi plakaya 23 T 0214 ke îdareyê S.Y. de bî, da Mehmet Baykaro 77 serrî ro ke waştêne bivêro weverê rayîrî.
Bi tesîrê pêrodayîşî, merdimo kal giran birîndar bi. Bi xeberdayîşî ser o, ekîbê weşîye û polîsî ameyî cayê hedîseyî. Birîndar, badê mudaxeleyanê verênan ê ke cayê hedîseyî de ameyî kerdene, bi ambulansî şirawîya Nexweşxaneyê Unîversîteya Firatî.
Merdimo kal, pa heme mudaxeleyanê ke nexweşxane de ameyî kerdene zî nêame xelisnayene û merd. Bedenê bêcanî yê Baykarî seba ke otopsî bêro kerdene, neqlê morgê nexweşxaneyî bi.
Ekîbanê polîsan, cayê qezayî de cigêrayîş kerd.
