Herême de varayîşê vewre dewam keno, rayîrê bi desan dewan ameyê girewtene û semedê serd û qeşa cuyayîş zehmet bîyo. 16 bajaranê Kurdan de semedê vewre rayîrê 4 hezar û 786 dewe û mezrayan ameyî girewtene.
Bajaranê Wan, Colemêrg, Bidlîs, Mûş, Çewlîg, Xarpêt, Sêrt, Şirnex, Êlih, Mêrdîn, Erzirom, Qers, Erdexan, Erzingan, Îdir û Dêrsim de rayîrê bi desan dewan ameyê girewtene û şar binê tesîrê hewayê serdî de mendo.
Goreyê eşkerayîyanê fermîyan, nê 16 bajaran de pêro pîya rayîrê 4 hezar û 786 dewe û mezrayan semedê vewre ra girewte yê.
Erzirom de 924 rayîrî girewte yê
Erzirom de semedê vewre û pûk rayîrê 924 dewan û Wan de zî rayîrê 625 dewan girewte yê.
Colemêrg de qalindîya vewre merkez de resa metreyêk û cayanê berzan de zî resa 2 metreyan; rayîrê 357 dewan girewte yê.
Onca Erzingan de 449, Mûş de 368, Dêrsim de 298, Çewlîg de 226, Bidlîs de 294, Qers de 214, Erdexan de 65 û Îdir de zî rayîrê 45 dewan ameyî girewtene.
