Munzur Can
Kamcin xeribî hîna zora
yan zî zehmeta û çetina?
Wexto merdim welatî xwu ra vecîno şonu cayna
kes beno xerîb
tayn kesî seba debara cuwayîşî xwu
tayn kesî seba wendişê mekteban
tayn kesî zî bêçareyîş ra mejbûr manenî
La kes heskerdişî welatî xwu
Welat'di nêverdeno/a
di xerîbêy di heskerdişî welatî û şarî xwu
wina pîl beno ki
beno hesret dekewno qesebay kesî
çîyo ki bîn zî
gere kes welat di canêverdo
zon (ziwan) ê MAY'a xwu yo
çi kar xebat û giruyî kesî beno wa bibo
cuwayîşî kesî gere bi ziwanî kesî bo
ez vano qey xerîbîya tewr çetin û zor
ki kes bibo xerîbê ziwanê xwu
merdim gedan, tûtan, qiçek, û hulik'onî xwu
biko xerîbê ziwanê yin
xîyaneto zaf pîl'o seba tût'an
mebê qetildarê ziwanê ma heyron çimon sîyayo,
Celadet elî bedirxan vano:
"Kurdo yan mevaci ez kurdo
yan zi bi ziwanê xwu qisey bike"
ziwanî kesî kamîya kesî mojneno
Kes bi qandê zonayîş û wayîrvetişî ziwanê xwu
yeno pêmawetene
keso/a ki ziwanê xwu nêzonu
Nêwano Nênûso
şar mîyan di
bi qandê milçiki
bi qandê zerenci
bi qandê mar'ê sîya'yî qîmetê ci nêmaneno
milçiki bi ziwanê zerencî nêwanena
zerenci zî bi ziwanê milçiki nêwanena
her zireno
bergîr(istor) hîşeno
vîştra qoreno
tu heywan bi ziwanê heywananê bînan
veng nêvecenî,
Quranî kerîmî di homa
Sûreyî Rum di wina vano
mealê ROŞAN LEZGÎNÎ
"xeliqnayişê asmînan û erdî
Yewbînan ra ciya biyayişê ziwanan
û rengê şima delilanê ey ra yo
enê de seba zanayan helbet
Îbretî estê."
her ziwan bi qedr û qîmeto
gere kes cirî bi hurmet bo
La ziwano yewin ziwanê kesî yo,
cayna di homa vano
"şima qet aqilê xwu nêşixulnenî"
Bi çi aqilî kes ziwanê xwu ra hesnêkeno
yan zî wayîr nêvecîno/a
yanî kes bi çi çim ra hewnîno wa biewnîyo
gereka kes ziwanê xwu rî wayîr vecîyo
mala ehmedî xasî ra persenî
vanî seyda cixara herama yan helala
seyda vano
"ki helala ma şimenî
Ki heroma ma veşnenî "
gelo seyda seba kesanê ki ziwanê xwu rî wayîr nêvecîyenî do çi bivatêni?
kesî ki bi ziwanê xwu
nêcuwî
têyna yew vatêy mi yin rî esto
şima merdî
şarî ma rî
BAQÎ ALA...
06/24/2026.
MUNZUR CAN...