Emser dinya zaf bîya germ û çiqas şino serre bi serre hewa hîna beno germ. Cayê ser Dîyarbekirî de bîyo aşmêk dereceyê hewayî 45 dereceyî ra nêno war. Aşma temmuze ke vîyarte sey aşma tewr germe ya dinya ya hetanî nika ameye îlankerdiş.
Goreyê Doç. Dr. Emrah Akyüz o ke Unîversîteya Çewlîgî de wazîfe keno, beno ke êdî mewsîmê zimistanî çîn bibo.
Doç. Dr. Emrah Akyüz vano ke, "Beno ke ma serrena Tirkîya de zimistanî nêvînê. Beno ke êdî tena hîrê mewsîmî bibê. Eke wîna dewam biko, mabênê da des-vîst serran de ma do nêeşkê mewsîmê zimistanî bivînê
Doç. Dr. Emrah Akyüz Unîversîteya Çewlîgî de Polîtîkayanê Enerjî û Bedilyayîşê Dormeleyî ser o xebate keno. Akyüz îdîa keno ke eke wîna şêro mewsîmê zimistanî çîne bibo û tena hîrê mewsîmî wisar, hamnan û payîz bimanê.”
Akyüz sey sebeb zî serre bi serre germbîyayîşê dinya û herême mojneno.
Doç. Dr. Emrah Akyüz qiseykerdişê xo de behsê polîtîkayanê dewlete yê ser tabîatî, viraştişê bendawan, bi bahaneyê asayîşî veşnayîşê daristanan û lêşinkerdişê dorûverî nêkeno.
Zanîyeno ke tebîet ser o tewr zêde kerdênê dewletan zirar dane û tew zaf dewletî û şîreketê ke destûranê xo dewlete ra gênê zirar danê xoza (tebîet)
Zazakî News
