Serekwezîrê Herêma Kurdîstanî Mesrûr Barzanî, hesabê xo yê medyaya dîjîtal ser o eşkera kerd ke serê sibayî wasitaya hewayî yê bêmerdimî yê Îranî ofîsê ey ê taybetî û keyeyê Serekîya Ajansê Asayîş û Îstîxbaratî kerdê hedef û va ke peyê tehqîqatê ke hetê Yewîneyê Têkoşînê Vera Terorî ra ameya kerdene, dîyar bîyo ke hêriş bi dronanê aîdê Îranî ameyo kerdene.
Barzanî îfade kerd ke no hêriş nêno qebûlkerdene û o şermezar kerd. Sewbîna Barzanî da zanayene ke no hêriş rasterast vera asayîş û îstîqrarê Herêma Kurdîstanê Federe yo.
Yewîneyê Têkoşînê Vera Terorî zî aşkera kerd ke 17ê tebaxe de saete 00.28 de sînorê Îranî ra di dronê bombeyî yê tîpê Hadîd-110 ver bi Ofîsê Taybetî yê Serokwezîrîya Herêma Kurdîstanî û keyeyê Serekîya Ajansê Asayîş û Îstîxbaratî yê qezayê Pîrmamî ameyî erşawitene.