ZAZAKÎ NEWS - Temsîlkarê Çolîgî 12 Bingölspor, ke sezonê vîyarteyî de Lîga Amatore ya Herêmî (BAL) de bibi şampîyon, bi yew serkewtişêko pîl vejiyabi lîga hîrêyîne. 12 Bingölspor, ke hînî lîga profesyonele de mucadele keno, nika bi logo û nameyê xo yê neweyî seba yew dewrê neweyî xo hadre keno.
Logoyo newe û nameyo newe: Bingölspor FK
Goreyê eşkerayîya ke hetê kulûbî ra amê kerdene, nameyê kulûbî sey "Bingölspor Futbol Kulübü (Bingölspor FK)" ameyo newekerdiş. Pîya bi nameyî, logoyê kulûbî û nasnameyo kurumsal zî, goreyê famê futbolî yê modernî newe ra ameyê dîzaynkerdiş.
Eşkerayîya resmî ya kulûbî
Kulûbî derheqê nê bedilyayîşê neweyan de yew eşkerayîye vila kerd. Metnê eşkerayîye wina yo:
Seba Çapemenîye û Raya Pêroyî
Bingölsporî ra yew destpêko newe:
Kulûbê ma yo Şampîyon bi name, nasname û vîzyonê xo newe beno!
Kulûbê Futbolî yê Bingölsporî, yo ke sey kulûbê sembolî yê Çolîgî serran ra nata hewesê futbolî yê şaristanê ma resneno şampîyonîyan, goreyê qerarê ke hetê heyeta ma ya rayberan ra bi yewîya vengan ameyo girewtiş, keweno yew dewro newe.
Nameyê kulûbê ma sey “Bingölspor Futbol Kulübü (Bingölspor FK)” ameyo newekerdiş; logoyê kulûbê ma û nasnameyo kurumsal, goreyê famê futbolî yê modernî newe ra ameyê dîzaynkerdiş.
Na game tenya vurnayîşê name û logoyî nîya, eyno wext de sey vîzyon, hedef û ruh îlanê newe ra bîyayîşê ma yo.