12 Bingölspor, hefteyê 10. yê lîgî de sehaya xo de Dîyarbekirspor kerd mêman. Maçê 12 Bingölspor-Dîyarbekirsporî, yo ke vizîr Stadyumê Bajarî de saete 13:00 de dest pêkerd, hetê hekemê herêma Aydinî Kaan Karayî ra ame îdarekerdiş.
12 Bingölspor, o ke bi avantajê seha û temaşekeran vejîya maç, deqîqeyanê verênan ra nata weş kay kerd. Deqîqeya 42. de Dîyarbekirspor de Ahmet Çolakî qarta sûre girewt û taximê xo 10 kesî verda.
Maço ke nîmeyê ey o verên 0-0 qedîya, nîmeyê dîyînî rê zî 12 Bingölsporî bi lez dest pêkerd. Bingölspor deqîqeya 77. penaltî qezenc kerd.
Umut Dîlek deqîqeya 82. de penaltî ra golê Bingölsporî eşt û 12 Bingölspor 1-0 berd vernî. Bade cû zî yewna gol eşt û skor kerd 2-0.
12 Bingölspor, peynîya 90+10 deqîqeyan de seha ra bi serkewtişê 2-0 û 3 pûanan agêra, û Grûba 2. ya Lîga 3. de pûanê xo vetî 25î û lîderîya xo dewam kerde.
