Birarzayê Şêx Seîdî, lajê birayê Şêx Seîdî Şeyh Tahir, Necmettin Akar vizêr dinyaya xo bedilnabi.
Birarzayê Şêx Seîdî Necmettin Akar, ewro dewa Licê Markê de ame heqkerdiş. 10 hezar kesî amê cenazaya ey. Necmettîn Akar 98 serrî bi.
Cenazeya ey kişta Sofî Ehmedî yo ke Serehewanayîşê Şêx Seîdî de amebi kiştiş de amey definkerdiş.
Şêx Necmettin Akar, demê Serehewanayîşê 1925î de, dewêka Darahênî de amebi dinya. Wexto ke qij bîyo pa keyeyê xo surgunê bajarê Tekirdağî bîyo. 14 serrî pa keyeyê xo surgun de mendo. Badê ke ageyra welatî cayanê sey Çolîg, Xarpêt, Pîran, Hêni û Licê de mîyanê keyeyê Şêx Seîdî de xebata îlmî kerde.
Kurdan ra waşt wa yew bê
Şêx Necmettin Akar berhemê şaîranê Melayê Cizîrî û Feqiye Teyranî bi ezber zanêne. Dîwanan de destanê Mem û Zîne wendêne. Cuyayîşê xo de tim kerd ke mîyanê eşîranê Kurdan de wa yewitî bibo. Her tim waştêne wa Kurdî mîyanê xo de bibê yew.
