Hedîse, mahlaya Selahattin Eyyubî ya merkezê Çewlîgî de qewmîya. Goreyê melumato ke ameyo girewtiş, kabînê asansörî kewt serê Muhammed Uyğurî (32 serre) yo ke montajê kabînê asansörî kerdêne.
Dima ke xebere ameye wesnayîş, ekîbê weşîye, asayîşî û îtfayîye cayê hedîse rê ameyî sewqkerdiş. Karkero ke bi giranî birîndar bibi, bi midaxeleyê ekîban cayo ke tede mendbî ra ame vetiş.
Uyğuro ke tewr verî cayê hedîse de midaxeleyê ey ame kerdiş, bi ambulansî wedarîya Nêweşxaneyê Dewlete yê Çewlîgî. Uyğur, pa heme midaxeleyan zî nêame xelasnayiş.
Derheqê hedîse de tehqîqat ame destpêkerdiş.