ZAZAKÎ NEWS - Çewlîg de otomobîlêk da dîrega elektrîkî û daranê ke kişat rayîrî de bî ro û bî perçe-parçe. Netîceya qezayî de, şofêro cîwan merd.
Qeza, saetanê sere sibayî mevkîya Cadeyê Dara Hênî ser o amey meydan.
Goreyê malumatanê ke ameyê girewtene, otomobîlê bi pîlakaya 12 AC 903î yo ke binê îdareyê Volkan Çaparlarî (24) de bi, dima ke şofêrî hakîmîyetê dîreksîyonî vîndî kerd, kontrol ra vejîya. Otomobîlî, darê ke refûj (mîyanê rayîrî) de bîy û dîregê elektrîkî fînayî waro.
Otomobîl ame halêkê wina ke nêno xebitnayene û şofêrî cayê hedîseyî de weşîya xo vîndî kerde.
Dima ke xeber ameye dayîş, ekîbê weşîye û polîsî ameyî cayê hedîseyî. Dima cigêrayîşan, cenazeya Çaparlarî seba otopsî şawîya morg.