ZAZAKÎ NEWS - Mensubêkê Artêşa Ereban a Sûrîye, Reqa de şerwanêka YPJyî ya qetilkerde ra porêk birnabî û medyayê sosyale de pare kerdbî. Na kerdena ey mîyanê Kurdan de rastê hêrsêko pîl amebi. Nê hedîseyî ser o, bi des hezaran cinîyî porê xo mûnitibi û paştî daybî Kurdanê Rojawanî.
Hemşîre Îkra Avciye zî vîdeoyêkê xo de wezîfeyê xo ser o porê xo mûnitibi û dima ke vîdeo vila bi, derheqê aye de tehqîqatê edlî û îdarî amebi dest pêkerdiş.
Saç örme akımına katıldığı için açığa alınan Diyarbakırlı hemşireden veda:
— Yeni Journal (@yenijournal) March 29, 2026
''Bir devir kapandı..Artık bir evim yok, 6 yılım çöp, teşekkürler'' pic.twitter.com/0P3AMVaLvP
Çarçeweyê tehqîqatî de Avciya ke Kocaeli de amey tepiştiş, dima îfadeyê xo amey veradayîş labelê wezîfeyê xo ra amey dûrvistiş.
Keyeyê xo yê Stenbolî terk kerd
Hemşîreya cîwane da zanayîş ke, dima ke wezîfe ra amey girewtiş, a mecbûr menda ke keyeyê xo yê Stenbolî veng bikero. Hesabê xo yê Instagramî ra Îkra Avciye nê îfadeyî pare kerdî: “Êdî yew keyeyê mi çin o. Mi şeş serrî ked da, sipas kena!”
